Կանչը կյանք է 

Հայաստանի Հանրապետության ողջ տարածքում 24/7 աշխատանքային ռեժիմով գործում է «Հանրապետական շտապ օգնության ծառայության» մեկ միասնական 1-03 հեռախոսահամարը:

Այն բանից հետո, երբ օպերատորը կպատասխանի ձեզ, տրամադրեք հետևյալ տեղեկատվությունը.

1. Հասցեն, որտեղ գտնվում է հիվանդը (եթե հիվանդը գտնվում է փողոցում, ապա անհրաժեշտ է նշել հստակ ուղենիշներ գտնվելու վայրի վերաբերյալ, բնակարանում՝  նշել հստակ հասցեն, մուտքի համարը, հարկը, դոմոֆոնի ծածկագիրը ապահովել դեպի մուտք ուղեփակոցի բաց լինելը ),
2. Շտապ և անհետաձգելի բժշկական օգնության կարիք ունեցողի ազգանունը, անունը  (եթե հայտնի է),
3. Շտապ և անհետաձգելի բժշկական օգնության կարիք ունեցող ծննդյան օրը, ամիսը, տարեթիվը կամ տարիքը (եթե հայտնի է),
4. Առնվազն մեկ մշտապես հասանելի հեռախոսահամար և շտապ օգնության կանչը տվող անձի անուն, ազգանունը։ 

     Այս հարցերի հստակ և ճշգրիտ պատասխանները կարագացնեն աշխատախմբի  ժամանումը:

Շտապ բժշկական օգնության կանչը ստացած բրիգադը դուրս է գալիս կայանից կամ ենթակայանից կամ բժշկական կազմակերպությունից անմիջապես:

Երևան քաղաքում և ՀՀ մարզերի քաղաքային վայրերում կանչը ստանալուց հետո բրիգադի կանչի վայր ժամանման տևողությունն` ըստ  «ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ՊԱՅՄԱՆՆԵՐՈՎ ԲՆԱԿՉՈՒԹՅԱՆԸ ՑՈՒՑԱԲԵՐՎՈՂ ՇՏԱՊ ԲԺՇԿԱԿԱՆ ՕԳՆՈՒԹՅԱՆ ԿԱԶՄԱԿԵՐՊՄԱՆ ԵՎ ԻՐԱԿԱՆԱՑՄԱՆ ՉԱՓՈՐՈՇԻՉ» հավելվածի գլուխ 4-ով ներկայացված շտապ և անհետաձգելի բժշկական օգնություն պահանջող կանչերի դասակարգման «Առաջնահերթ» կանչերի համար չպետք է գերազանցի 15 րոպեն` բացառությամբ ձմեռային ամիսներին, երբ բրիգադի ժամանման առավելագույն ժամանակը կարող է հասնել 20 րոպեի` ելնելով ճանապարհային երթևեկության չնախատեսված բարդություններից:

      ՀՀ մարզերի գյուղական վայրերում կանչը ստանալուց հետո բրիգադի կանչի վայր ժամանման տևողությունը.

     1) մինչև 20 կմ հեռավորության վրա գտնվող գյուղական համայնքներից ստացված կանչերի դեպքում բրիգադի ժամանման               տևողությունը չպետք է գերազանցի 15 րոպեն,

     2) 20 կմ-ից առավել հեռավորության վրա գտնվող գյուղական համայնքներից ստացված կանչերի դեպքում բրիգադի                                ժամանման տևողությունը չպետք է գերազանցի 30 րոպեն

     Եթե գյուղական համայնքը գտնվում է դժվարանցանելի ճանապարհային հատվածում, հատկապես ձմեռային ամիսներին,                ստացված կանչերի դեպքում բրիգադի ժամանման տևողությունը կարող է հասնել 30 րոպեի, որի մասին շտապ բժշկական                օգնության բրիգադի բժիշկը կամ միջին բուժաշխատողը պարտավոր են հայտնել կանչն ընդունող պատասխանատուին: